اسلام آباد، 23جون، 2026؛ اسپیکر قومی اسمبلی سردار ایاز صادق نے محمد دانش اسلم یو ڈی سی فوٹوگرافی برانچ قومی اسمبلی کے والد ریٹائرڈ سابق سینئر سیکیورٹی اسسٹنٹ قومی اسمبلی محمد اسلم کے انتقال پر گہرے دکھ اور افسوس کا اظہار کیا ہے۔
اسپیکر قومی اسمبلی نے محمد دانش اسلم اور انکے اہلخانہ کے نام جاری تعزیتی پیغام میں سوگوار خاندان سے دلی تعزیت اور ہمدردی کا اظہار کیا ہے۔انہوں نے مرحوم محمد اسلم کی قومی اسمبلی میں دوران سروس خدمات کو خراج تحسین پیش کیا ہے۔انہوں نے کہا کہ مرحوم کا انتقال سوگوار خاندان کیلئے ناقابل تلافی نقصان اور بڑا صدمہ ہے۔انہوں نے کہا کہ غم اور دکھ کی مشکل گھڑی میں سوگوار خاندان کے غم میں برابر کا شریک ہوں ۔
اسپیکر قومی اسمبلی نے اللہ تعالیٰ سے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کیلئے صبر جمیل عطاء فرمانے کی دعا کی۔
Print