اسلام آباد۔16مئی، 2024؛اسپیکر قومی اسمبلی سردار ایاز صادق  نے منڈی بہاؤ الدین کے قریب نور پور میراں کے مقام پر دریائے جہلم میں کشتی الٹنے سے قیمتی انسانی جانوں کے نقصان پر گہرے دکھ اور  افسوس کا اظہار کیا ہے۔

اسپیکر نے غمزدہ خاندانوں کے نام جاری تعزیتی پیغام میں کشتی الٹنے کے نتیجے میں جاں بحق ہونے والے افراد کے لواحقین سے دلی تعزیت اور ہمدردی کا اظہار کیا ہے۔انہوں نے کہا کہ افسوسناک واقعہ میں ایک ہی خاندان کے 4 بچوں اور 2 خواتین کے جاں بحق ہونے کی خبر سن کر دل رنجیدہ ہے۔انہوں نے کہا کہ ایک ہی خاندان کے چھ افراد کا جانی نقصان ناقابل تلافی نقصان ہے جسے مدتوں پورا نہیں کیا جاسکتا۔انہوں نے کہا کہ غم اور دکھ کی مشکل گھڑی میں سوگوار خاندانوں کے غم اور دکھ میں برابر کے شریک ہیں۔

اسپیکر نے اللہ تعالیٰ سے کشتی حادثے میں جاں بحق افراد کے درجات کی بلندی اور سوگوار خاندانوں کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا کی۔