اسلام آباد، 28 مارچ، 2023؛اسپیکر قومی اسمبلی راجہ پرویز اشرف اور ڈپٹی اسپیکر زاہد اکرم درانی نے ڈین مارک میں ترکیہ کے سفارتخانے کے سامنے قرآن مجید کی بے حرمتی کی شدید الفاظ میں مذمت کی ہے۔انہوں نے کہا کہ قرآن مجید کی بے حرمتی سے کروڑوں مسلمانوں کی دل آزاری ہوئی ہے۔اسلام ایک پر امن مذہب ہے اور تمام مذہب کے ماننے والے کا احترام کرنے کا درس دیتا ہے۔مقدس کتاب قرآن مجید کی بے حرمتی سے مسلمانوں کے جذبات اور احساسات مجروح ہوئے ہیں۔اسلاموفوبیا کے بڑھتے رجحان انتہائی افسوسناک اور قابل مذمت ہیں۔ اسلامو فوبیا کے تدارک کے لیے مسلم اُمہ کو مشترکہ موقف اختیار کرنا ہو گا۔ انہوں نے عالمی برادری کو قرآن مجید جیسی مقدس کتاب کی بے حرمتی کو روکنے کے لیے کردار ادا کرنے پر زور دیا۔