Accessibility

Accessibility

Website Zoom

Color/Contrast

Download Reader

In exercise of the powers conferred by clause (1) of Article 54 read with clause (3) of Article 56 of the Constitution of the Islamic Republic of Pakistan, the President has been pleased to summon both Houses to assemble together in the Parliament House, Islamabad on Tuesday, the 16th April, 2024 at 4:00 p.m. | Today In National Assembly: 04:00 PM: National Assembly Session |
Print Print

ڈپٹی اسپیکر قومی اسمبلی نے سی ڈی اے حکام کو پارلیمنٹ لاجز میں بین الاقوامی معیار کے مطابق سیکیورٹی اور صفائی کو یقینی بنانے کی ہدایت کی

Tuesday, 5th March, 2024

اسلام آباد: 5 مارچ 2024: ڈپٹی اسپیکر قومی اسمبلی سید غلام مصطفیٰ شاہ نے پارلیمنٹ لاجز میں بین الاقوامی میعار کے مطابق سیکیورٹی اور صفائی کو یقینی بنانے کی ہدایت کی۔ انہوں نے کہا کہ پارلیمنٹ لاجز میں عوام کے نمائندے رہائش پذیر ہیں اس وجہ سے اس عمارت کی صفائی اور سیکورٹی کا نظام دیگر سرکاری اداروں کیلئے رول ماڈل ہونا چاہیے ۔ان خیالات کا اظہار انہوں نے آج بروز منگل پارلیمنٹ لاجز، ایم این ایز ہاسٹل اور سرونٹ کوارٹرز کا دورہ کرتے ہوئے کیا۔

 


 



اپنے دورے کے دوران ڈپٹی اسپیکر قومی اسمبلی سید غلام مصطفیٰ شاہ نے حفاظتی دیواروں، واکنگ ٹریک، پارلیمنٹ لاجز میں سرونٹ کوارٹرز کی حالت اور ایم این ایز ہاسٹل کا معائنہ کیا۔ انہوں نے سی ڈی اے کو خستہ حال لاجز کی فوری بنیادوں پر تزئین و آرائش کو یقینی بنانے کی ہدایت کی۔ انہوں نے سی ڈی اے اور سیکیورٹی ایجنسیوں کو پارلیمنٹ لاجز کے ارد گرد فول پروف سیکیورٹی کو یقینی بنانے کی بھی ہدایت کی۔ مزید برآں، ڈپٹی اسپیکر نے کہا کہ پارلیمنٹ لاجز میں سرونٹ کوارٹرز کی اپ گریڈیشن اور تزئین و آرائش کی ضرورت ہے۔


قبل ازیں ڈپٹی اسپیکر قومی اسمبلی سید غلام مصطفیٰ شاہ نے چیئرمین سی ڈی اے کیپٹن ریٹائرڈ انوار الحق سے پارلیمنٹ ہاؤس اسلام آباد میں ملاقات کی۔ سی ڈی اے حکام نے ڈپٹی اسپیکر کو زیر تعمیر 104 فیملی سوٹس اور سرونٹ کوارٹر کے بارے مں بریفنگ دی۔ ایڈیشنل سیکرٹری (خصوصی اقدامات) اور سی ڈی اے کے سینئر افسران بھی اس موقع پر موجود تھے۔