اسپیکر نے اپنے ایک جاری بیان میں حافظ طاہر خلیل کو مبارک دیتے ہوئے حافظ طاہر خلیل کی صحافت کے  شعبے خصوصاً پارلیمان کی کاروائی کی  رپورٹنگ کے سلسلے میں خدمات کو سراہا ۔انہوں نے کہا کہ حافظ طاہر خلیل گزشتہ کئی دہائیوں سے پریس گیلری سے وابستہ ہیں اور پارلیمان کی کاروائی کی رپورٹنگ کا فریضہ انتہائی خوش اسلوبی سے سر انجام دے رہے ہیں۔حافظ طاہر خلیل کا انٹرنیشنل میڈیا فورم کا چیئرمین منتخب ہونا انتہائی خوش آئند اور صحافت کے شعبے کے لیے اعزاز کی بات ہے۔اسپیکر نے حافظ طاہر خلیل کی مزید کامیابیوں اور کامرانیوں کے لیے نیک خواہشات کا اظہار کیا۔