Last Updated On: 11th August 2020, 08:18 PM
Home | Advertisments | Careers | Downloads | Useful Links | FAQs | Contact Us 
The Sitting of the National Assembly has been adjourned to meet again on Wednesday, the 12th August, 2020 at 10:30 a.m. | Committee Meetings:10:30 AM: 11th meeting of the SC on Water Resources - CANCELLED at Committee Room No.2 | 02:00 PM: 13th & 14th meeting of the Sub-Committee-VII of Public Accounts Committee at M/O Federal Education & Professional Training | 02:00 PM: Information and Broadcasting - CANCELLED at Committee Room No.7 | 02:00 PM: 7th meeting of the Special Committee on Agricultural Products (Revised) at Committee Room No.2 |

Press Release Details

Share Print
No Society Can Develop Without Education; Speaker National Assembly
Tuesday, 28th July, 2020

یکساں  نظام تعلیم کے نفاذ سے طبقاتی تقسیم کا خاتمہ ممکن ہے ؛اسد قیصر

مردان، 28جولائی 2020:اسپیکر قومی اسمبلی اسد قیصر نے کہا کہ کوئی بھی معاشرہ تعلیم کے بغیر ترقی نہیں کر سکتا  اور بحیثیت مسلمان علم کا حصول ہمارے لیے لازم ہے۔انہوں نے کہا کہ طلباء ہمارے ملک کا روشن مستقبل ہیں موجودہ حکومت ملک میں تعلیم کے فروغ اور  یکساں نظام تعلیم کے نفاذ کے لیےترجیحی بنیادوں پر  اقدامات اُٹھا رہی ہے ۔انہوں نے کہا کہ یکساں نظام تعلیم کے نفاذ سے طبقاتی تقسیم کا خاتمہ ہو گااور معاشرے کے پسے ہوئے اور پسماندہ طبقات سے تعلق رکھنے والے طلباء کو  جدید علوم سے  آراستہ کرنے اور ترقی کی مناظر طے  کرنے کا موقع ملے گا ۔ان خیالات کا اظہار انہوں نے  منگل کے روز سپورٹس  بورڈکمپلیکس  مردان میں انٹرمیڈیٹ کے ا    متحانات میں نمایاں پوزیشن حاصل کرنے والے طلباء و  طالبات کے اعزاز میں منعقدہ  تقسیم انعامات کی تقریب  سے خطاب کرتے ہوئے کیا۔  

اسپیکر اسد قیصر نے نمایاں پوزیشن حاصل کرنے والے طلباء طالبات کو مبارکباد دیتے ہوئے طلباء کو  اپنی تما  م توائیاناں حصول علم کے لیے صرف کرنے کی ضرورت پر زور دیا۔ اسپیکر نے کہا کہ کامیابی کا زینہ محنت اور لگن میں پوشیدہ ہے اور محنت سے ہی  اعلیٰ مقام حاصل کیا جا سکتا ہے۔ انہوں نے علم کے حصول کی ضرورت پر زور دیتے ہوئے کہا کہ  مسلمانوں نے تلوار کی وجہ نہیں بلکہ علم کی بدولت  ترقی کی ہے۔ انہوں نے کہا کہ انسان جو سوچ سکتا ہے وہ ممکن ہو سکتا ہے۔انہوں نے کہا کہ بڑے عہدے اس لیے ملتے ہیں کہ آپ اللہ کی مخلوق کی خدمت کرسکیں  کیونکہ خدمت کرنے وا لوں کو صدیوں یاد رکھا جاتا ہے ۔انہوں نے کہا کہ محنت سے آپ بھی ملک کے وزیر اعظم اور ڈاکٹر عبدالقدیر خان جیسے بڑے انسان بن سکتے ہیں۔ اسد قیصر نے کہا کہ آئندہ سال سے یکساں تعلیمی نصاب کا نفاذ ہو جا ئے گا جس کے لیے   ملک بھر کے مدارس کا کردار انتہائی اہمیت کا حامل ہو گا۔ انہوں نے کہا کہ طلباء خوش فہمی اور غلط فہمی کا شکارنہ  ہوں مدارس کو احترام اور قدر کی نگاہ سے دیکھتے ہیں اور مدارس میں بھی متفقہ اصلاحات نافذ کریں گے۔انہوں نے کہا کہ مدارس کو مین سٹریم میں لانے کے لیے تمام اسٹیک ہولڈرز سے مشاورت جاری ہے طلباء کی ترقی اُن کے دین مضمر ہے طلباء اللہ پر ایمان اور اپنی محنت پر یقین رکھیں۔

اسپیکر اسد قیصر کا مزید کہنا تھا کہ پاکستان کو ترقی کرنے سے کوئی نہیں روک سکتااب ملک میں اچھا وقت آنے والا ہے۔ انہوں نے کہا کہ ہمارے ملک کو  اللہ تعالیٰ نے ہر قسم کی نعمت سے نوازا  ہے ۔ انہوں نے کہا کہ ہم نے ملکرملک کی ترقی اور خوشحالی کے لیے کام کرنا ہے۔انہوں نے عالمی وباء کورونا وائرس کا ذکر کرتے ہوئے کہا کہ کورونا کی وجہ سے چیلنجز آئے اللہ تعالی کی مدد سے بہت جلد ہم اس پر قابو پانے میں کامیاب ہو جائیں گے۔ انہوں نے کہا کہ  سمارٹ لاک ڈاؤن پر تنقید کی گئی مگر آج پوری دنیا ہماری  سمارٹ لاک ڈاؤں کی  پالیسی کو سراہا رہی ہے ۔ انہوں نے کہا کہ  کورونا وباء کی وجہ سے ہمارے  خطے کے پڑوسی ممالک میں  زیادہ تباہی ہوئی ۔ انہوں نے کہا کہ اللہ کا شکر ہے کل پنجاب میں کورونا سے کوئی موت واقع نہیں ہوئی۔انہوں نے مزید کہا کہ ہمیں احتیاط کا دامن نہیں چھوڑنا اور  عید پر شہریوں کو سخت  احتیاط کرتے ہوئے محکمہ صحت کی جانب سے جاری کردہ احتیاطی تدابیر پر مکمل  طور پرعمل کرنے کی ضرورت ہے۔